Нийслэлийн Засаг даргын 2020 оны “Зорилтот өрхийг сайжруулсан түлшээр хангах тухай” А/30 дугаар захирамжийн хүрээнд дэлхий нийтэд өндөр хурдацтай тархаж байгаа Коронавируст “COVID-19”-ын цар тахалтай тэмцэх, эрсдэлийг бууруулах зорилгоор зорилтот бүлгийн өрхүүдийг сайжруулсан шахмал түлшээр хангах арга хэмжээг Нийслэлийн Засаг даргын Тамгын газар, дүүргүүдийн Онцгой комисс, Нийслэлийн Нийгмийн халамжийн газар, Нийслэлийн Агаарын бохирдолтой тэмцэх газар, “Таван толгой түлш” ХХК хамтран үе шаттайгаар зохион байгуулж байна.  Цаашид төвийн 6 дүүрэгт энэхүү арга хэмжээ үргэлжлэн явагдах бөгөөд 2020 оны 11 дүгээр сарын 26-ны өдрийн 12 цагийн байдлаар 16 хорооны 335 өрхөд сайжруулсан шахмал түлшийг хуваарийн дагуу олгосон байна. Мөн Нийслэлийн нийгмийн халамжийн газар, ЭМЯ, УНТЭ, УХТЭ, ГССҮТ болон дүүргүүдийн Эрүүл мэндийн төвтэй хамтран зорилтот өрхийн нэг гишүүнийг Ковид-19-ын халдварын тандалтын шинжилгээ хийж, амны хаалт олгох ажлыг зохион байгуулж байна.